بندر کو بس کیوں چلانے دی؟ ڈرائیور معطل -
The news is by your side.

Advertisement

بندر کو بس کیوں چلانے دی؟ ڈرائیور معطل

بنگلور: بھارتی شہر بنگلور میں ایک بس ڈرائیور کو اس لیے معطل کر دیا گیا کہ اس نے ایک بندر کو گاڑی کی اسٹیئرنگ تھما دی تھی اور اس نے بڑے مزے سے بس چلائی۔

تفصیلات کے مطابق انڈیا میں ایک بس ڈرائیور کی ویڈیو سوشل میڈیا پر تیزی سے وائرل ہونے کے بعد اسے اپنی ملازمت سے ہاتھ دھونے پڑ گئے، اس نے ایک بڑے سے بندر کو گود میں بٹھایا تھا اور اسٹیئرنگ اس کے حوالے کر دی تھی۔

سوشل میڈیا پر ڈرائیور کے خلاف اور حق میں ملا جلا ردِ عمل سامنے آیا

اگرچہ یہ واقعہ بس ڈرائیور کے لیے نا خوش گوار نتیجے کا باعث بنا تاہم ایک مسافر کی بنائی ہوئی ویڈیو نے اگر ایک طرف عوام میں غصے کو جنم دیا تو دوسری طرف لوگوں کے لیے ہنسی کا سامان بھی بنا۔

ویڈیو میں دیکھا جاسکتا ہے کہ بس ڈرائیور نے بندر کو چلتی بس کی اسٹیئرنگ وھیل پر بٹھایا ہوا ہے اور مسکرا کر  لنگور نسل کے بندر کو پچکار رہا ہے۔

غیر ملکی خبر رساں ایجنسی کے مطابق ڈرائیور ایم پرکاش سے بندر کو بس چلانے پر سرکاری ادارے روڈ ٹرانسپورٹ کارپوریشن نے ڈیوٹی واپس لے لی۔


یہ بھی پڑھیں:  بندر بنا اغوا کار، بچہ اغوا کرنے کی کوشش، ویڈیو وائرل


سرکاری ادارے نے کہا کہ مسافروں کے تحفظ کے معاملے پر ذرا بھی سمجھوتا نہیں کیا جاسکتا، کسی ڈرائیور کو اس بات کی اجازت نہیں کہ وہ بندر کو اسٹیئرنگ وھیل پر بٹھانے کا خطرہ مول لے لے۔

سوشل میڈیا پر لوگوں نے مختلف رد عمل دیا، کسی نے کہا کہ ڈرائیور کو صرف تنبیہہ کر کے چھوڑنا چاہیے تھا، کسی نے معطلی کی سزا کو درست قرار دیا اور کسی نے کہا ڈرائیور غلط پیشے میں آ گیا ہے اور وہ جانوروں کے حوالے سے بہت حساس معلوم ہوتا ہے۔

Comments

comments

یہ بھی پڑھیں