The news is by your side.

Advertisement

بشریٰ انصاری کی دلچسپ ویڈیو وائرل

شوبز انڈسٹری کی سینئر اداکارہ بشریٰ انصاری کی دلچسپ ویڈیو سوشل میڈیا پر وائرل ہوگئی۔

پاکستانی فلم اور ڈرامہ انڈسٹری کی معروف اداکارہ بشریٰ انصاری کی ویڈیو انسٹاگرام پر وائرل ہورہی ہے جس میں انہیں جھولا جھولتے ہوئے بچپن کی یادیں تازہ کرتے دیکھا جاسکتا ہے۔

ویڈیو میں بشریٰ انصاری کو شلوار سوٹ میں جھولا جھولتے دیکھا جاسکتا ہے، اداکارہ اس دوران گانا ’جھولا ڈالو ری‘ بھی گنگناتے ہوئے مسکرا رہی ہیں۔

اداکارہ کی ویڈیو کو مداحوں کی جانب سے خوب سراہا جارہا ہے، مداح ویڈیو پر اپنی رائے کا اظہار بھی کررہے ہیں۔

واضح رہے کہ اس سے قبل بشریٰ انصاری نے اپنی سُریلی آواز میں ملکہ ترنم میڈم نور جہاں کا مشہور گیت ’جا جا وے تینوں دل دیتا‘ گنگنا کر اُنہیں خراجِ عقیدت پیش کیا تھا۔

اداکارہ نے اپنی یہ ویڈیو اپنے تصدیق شدہ انسٹاگرام اکاؤنٹ پر شیئر کی تھی جس میں دیکھا جاسکتا ہے کہ بشریٰ انصاری بڑی ہی خوبصورتی سے میڈم نور جہاں کا گیت گنگنا رہی ہیں۔

بشریٰ انصاری نے اپنی پوسٹ کے کیپشن میں لکھا تھا کہ ’وہ میڈم نور جہاں کو بہت زیادہ یاد کررہی ہیں۔‘

Comments

یہ بھی پڑھیں