spot_img

تازہ ترین

بلاول بھٹو نے وزیر اعلیٰ، اسپیکر و ڈپٹی اسپیکر سندھ اسمبلی کے امیدواروں کا اعلان کر دیا

کراچی: چیئرمین پاکستان پیپلز پارٹی بلاول بھٹو زرداری نے...

پنجاب اسمبلی کے نو منتخب اراکین نے حلف اٹھالیا

لاہور : پنجاب اسمبلی کے نومنتخب اراکین نے حلف...

ملک میں اسلامی صدارتی نظام کے نفاذ کی درخواست خارج

اسلام آباد : سپریم کورٹ نے ملک میں اسلامی...

قومی اسمبلی سے خواتین کی مخصوص نشستوں پر نوٹیفکیشن جاری

الیکشن کمیشن نے سندھ اور بلوچستان سے قومی اسمبلی...

آئی ایم ایف پاکستان کی نئی منتخب حکومت کے ساتھ کام کرنے کے لیے تیار

اسلام آباد : عالمی مالیاتی فنڈ (آئی ایم ایف)...

القادر ٹرسٹ کیس‌ :‌ بشریٰ بی بی کو ایک بار پھر ریلیف مل گیا

اسلام آباد: احتساب عدالت اسلام آباد نے القادر ٹرسٹ کیس میں سابق وزیراعظم عمران خان کی اہلیہ بشریٰ بی بی کی 31 مئی تک ضمانت منظور کرلی۔

تفصیلات کے مطابق احتساب عدالت میں القادر ٹرسٹ کیس میں سابق وزیراعظم عمران خان کی اہلیہ بشریٰ بی بی کی عبوری ضمانت کی درخواست پر سماعت ہوئی۔

بشریٰ بی بی کے وکیل خواجہ حارث جج محمد بشیر کی عدالت میں پیش ہوئے ، جج نے خواجہ حارث سے مکالمے میں کہا کہ کس لیے آئے ہیں، تو وکیل خواجہ حارث نے بتایا کہ بشریٰ بی بی کی عبوری درخواست ضمانت کے لیے آیا ہوں۔

جس پر جج نے ریمارکس دیئے اسی لیے پولیس کی نفری لگائی گئی ہے،وکیل نے بتایا کہ جی عمران خان بھی پیش ہو رہے ہیں،ان کی بھی ضمانتوں کی درخواستوں پر سماعت ہونی ہے۔

نیب پراسیکیوٹر کا کہنا تھا کہ بشریٰ بی بی آجائیں تو اس معاملے کو دیکھ لیتے ہیں، بعد ازاں احتساب عدالت نے بشریٰ بی بی کی درخواست ضمانت 31 مئی تک منظور کرلی ، بشریٰ بی بی کی 5لاکھ مچلکوں کے عوض درخواست ضمانت منظور کی گئی۔

خیال رہے القادرٹرسٹ کیس میں چیئرمین پی ٹی آئی عمران خان کی اہلیہ بشریٰ بی بی کی حفاظتی ضمانت کا آخری دن تھا، لاہور ہائیکورٹ نے بشریٰ بی بی کی 23 مئی تک حفاظتی ضمانت منظور کی تھی۔

لاہور ہائیکورٹ نے بشریٰ بی بی کو 23 مئی تک متعلقہ عدالت سے رجوع کرنے کا حکم دیا تھا۔

Comments

- Advertisement -