راولپنڈی : بانی پی ٹی آئی کی اہلیہ بشریٰ بی بی کو تاحال باضابطہ گرفتار نہیں کیا گیا، بشریٰ بی بی جیل سپرنٹنڈنٹ کے کمرے میں بیٹھی ہیں۔
تفصیلات کے مطابق راولپنڈی میں توشہ خانہ کیس میں فیصلہ آتے ہی بانی پی ٹی آئی کی اہلیہ بشریٰ بی بی گرفتاری دینے اڈیالہ جیل پہنچ گئیں۔
بشریٰ بی بی اڈیالہ جیل میں موجود ہے لیکن تاحال انھیں باضابطہ گرفتار نہیں کیا گیا، بشریٰ بی بی کی گرفتاری سے متعلق ضابطے کی کارروائی کی جارہی ہے۔
ذرائع نے بتایا کہ بشریٰ بی بی کی گرفتاری سے متعلق دیگر آپشنز بھی زیرغورہیں ، بشریٰ بی بی جیل سپرنٹنڈنٹ کے کمرے میں بیٹھی ہیں۔
یاد رہے توشہ خانہ ریفرنس میں بانی پی ٹی آئی اور بشریٰ بی بی کو چودہ چودہ سال قید کی سزا سنائی گئی اور ملزمان کو کسی بھی عوامی عہدے کیلئے دس سال کیلئے نااہل قرار دے دیا گیا۔
عدالت نے دونوں ملزمان پر ایک ارب ستاون کروڑ چالیس لاکھ روپے جرمانہ بھی کردیا، احتساب عدالت کے جج محمد بشیر نے اڈیالہ جیل میں بانی پی ٹی آئی کی جانب سے تین سو بیالیس کا بیان جمع کرائے بغیر اور بشریٰ بی بی کی غیرموجودگی میں فیصلہ سنایا۔