The news is by your side.

Advertisement

بیرون ملک جانے والے مسافروں کے لیے نئی ٹریول ایڈوائزری جاری

کراچی: پاکستان سے بیرون ملک جانے والے مسافروں کے لیے سول ایوی ایشن اتھارٹی نے نئی ٹریول ایڈوائزری جاری کردی۔

اے آر وائی نیوز کی رپورٹ کے مطابق پاکستان سے بیرون ملک جانے والے مسافروں کے لیے جاری کردہ نئی ٹریول ایڈوائزری 31 دسمبر تک نافذ العمل رہے گی۔

ترجمان سی اے اے کے مطابق مسافروں کے لیے کورونا ٹریکنگ موبائل ایپ انسٹال کرنا لازمی ہوگا، مسافر ملک سے باہر جائیں یا واپس وطن آئیں، موبائل ایپ لازم ہوگی۔

سول ایوی ایشن اتھارٹی نے ٹریکنگ ایپ پلس ٹریک گوگل پلے اسٹور پر اپ لوڈ کردی۔

سی اے اے حکام کا کہنا ہے کہ مسافر سفر سے پہلے پاس ٹریک موبائل ایپ یا ویب سائٹ پر اپنا کورونا سے متعلق ڈیٹا اپ لوڈ کریں گے، موبائل ایپ کے ذریعے مسافروں کی قرنطینہ کے دنوں میں نگرانی کی جائے گی۔

حکام کے مطابق 12 سال سے کم عمر بچوں اور اعلیٰ سطحی غیرملکی وفد موبائل ایپ سے مستثنیٰ ہوں گے۔

ترجمان سول ایوی ایشن اتھارٹی کے مطابق کورونا سے متاثرہ کیٹیگری بی ممالک سے آنے والے مسافروں کو چھیانوے گھنٹے تک پرانا کورونا ٹیسٹ رزلٹ جمع کروانا بھی لازم ہوگا۔

Comments

یہ بھی پڑھیں