سی اے اے تربیتی ادارے میں ٹریننگ کورسز سے متعلق اہم خبر

کراچی: سول ایوی ایشن ٹریننگ انسٹیٹیوٹ میں 6 سال بعد بین الاقوامی ٹریننگ کورسز کا دوبارہ آغاز ہو گیا۔

تفصیلات کے مطابق سول ایوی ایشن ٹریننگ انسٹیٹیوٹ حیدرآباد میں بین الاقوامی ٹریننگز کا دوبارہ آغاز ہو گیا، تربیتی کورس میں سری لنکا کی سول ایوی ایشن کے حکام نے شرکت کی۔

ترجمان سی اے اے کا کہنا ہے کہ سری لنکن آفیشلز نے 11 سے 28 ستمبر تک سول ایوی ایشن کورس مکمل کر لیا، ایوی ایشن شعبے میں مہارت کے لیے تربیت حاصل کرنے کے لیے سی اے اے ٹریننگ انسٹیٹیوٹ کے اعلیٰ معیار ہے۔

سی اے اے ترجمان کے مطابق ماضی میں مختلف ممالک کے سی اے اے آفیشلز تربیت کے لیے سول ایوی ایشن ٹریننگ انسٹیٹیوٹ حیدرآباد آتے تھے، کئی سال بعد غیر ملکی سی اے اے حکام کا تربیت کے لیے پاکستان آنا اتھارٹی کے بین الاقوامی معیار کا مظہر ہے۔

Comments