بھارت میں درندہ صفت آن لائن ٹیکسی ڈرائیور کی شادی سے انکار کرنے پر گرل فرینڈ کو سرعام موت کے گھاٹ اتار دیا۔
بھارتی میڈیا رپورٹس کے مطابق 32 سالہ ریحان احمد نے بنگلور کے علاقے جیان نگر کے شالنی گراؤنڈ میں 42 سالہ فریدہ خاتون کو چھریوں کے پے درپے وار کرکے قتل کیا۔
ملزم نے خاتون کو قتل کرنے کے بعد تھانے پہنچ کر گرفتاری دی اور اپنے جرم کا اعتراف بھی کرلیا۔
بھارتی میڈیا کا بتانا ہے کہ خاتون دوبیٹیوں کی ماں تھی جن کی عمریں 21 اور 16 سال تھیں۔
پولیس کے مطابق مقتولہ کا تعلق کولکتہ سے تھاجو گزشتہ 4 سالوں سے ایک اسپا میں کام کررہی تھی، 2022 میں بنگلورو میں فریدہ کی ملاقات ریحان سے ہوئی جس کے بعد دونوں میں تعلق قائم ہوگیا۔
پولیس کا بتانا ہےکہ گزشتہ ماہ 28 مارچ کو خاتون اپنی بیٹی کے ہمراہ ریحان کی سالگرہ منانے بنگلورو آئی تھی جہاں پارٹی کے بعد ریحان فریدہ کو شاپنگ اور لنچ پر لے گیا، اسی دوران ریحان نے مارکیٹ سے چاقو خریدا اور واپس جاکر خاتون کو پروپوز کیا، خاتون کے انکار پر ریحان نے سب کے سامنے 15 مرتبہ چھرا گھونپ کر خاتون کا قتل کردیا۔