The news is by your side.

کابینہ نے ایران اور افغانستان سے ٹماٹر اور پیاز کی درآمد کی منظوری دے دی

اسلام آباد : کابینہ نے سبزیوں کی قیمتوں میں استحکام کیلئے ایران اور افغانستان سے ٹماٹر، پیاز کی درآمد کی منظوری دے دی۔

تفصیلات کے مطابق وزیر تجارت نوید قمر نے غیر رسمی گفتگو کرتے ہوئے کہا کہ کابینہ نے ایران اور افغانستان سے ٹماٹر، پیاز کی درآمد کی منظوری دے دی، کابینہ سے سرکولیشن کے ذریعے سمری کی منظوری لی گئی ہے۔

بھارت سے درآمد کے حوالے سے نوید قمر کا کہنا تھا کہ بھارت سے ٹماٹر اور پیاز درآمد کرنے کا فیصلہ نہیں ہوا۔

وزیر تجارت نے کہا کہ مارکیٹ میں سبزیوں کی قیمتوں میں اضافہ کی وجہ سے دباؤ ہے، قیمتوں میں استحکام کیلئے دو ملکوں سے درآمد کی اجازت دےدی ہے۔

ان کا کہنا تھا کہ ٹماٹر اور پیاز کی درآمد کیلئے ٹیکس چھوٹ دی جائے گی، کابینہ اجلاس ہوا تو ٹیکس چھوٹ کی منظوری لی جائے گی۔

نوید قمر نے کہا کہ کابینہ کا اجلاس نہ ہوا تو سرکولیشن کے ذریعے سمری کی منظوری لی جائے گی۔

Comments

یہ بھی پڑھیں