لاہور: جوہر ٹاؤن کیفے میں فائرنگ کرنے والے ملزم کو گرفتار کرلیا گیا، ڈی آئی جی آپریشنز کے نوٹس لینے کے بعد ملزم کو پکڑا گیا۔
تفصیلات کے مطابق ڈی آئی جی آپریشنز کے ترجمان نے بتایا کہ کیفے میں فائرنگ کرنے والا ملزم علی حسن بی او آر سوسائٹی کا رہائشی ہے، ملزمان کیخلاف تھانہ نواب ٹاؤن میں مقدمہ درج کیا گیا، شریک ملزم فیاض کی گرفتاری کے لیے چھاپے جاری ہیں۔
ترجمان نے بتایا کہ ڈی آئی جی آپریشنز فیصل کامران نے واقعہ کا نوٹس لیا تھا، ڈی آئی جی آپریشنز کے احکامات پر ملزمان کی گرفتاری کیلئے ٹیم تشکیل دی گئی۔
ڈی آئی جی آپریشنز کے ترجمان نے مزید بتایا کہ ملزمان کی فائرنگ سے کیفے کا سیکیورٹی گارڈ زخمی ہوا تھا، فائرنگ کے بعد ملزمان موقع سے فرار ہوگئے تھے۔
کیفے میں لڑکی کو ہراساں کرنے سے روکنے پر امیر زادے نے فائرنگ کردی
