The news is by your side.

Advertisement

مویشی منڈی سے چوری شدہ مہنگا بچھڑا پولیس نے 3 دن میں تلاش کر لیا

کراچی: مویشی منڈی سے چوری شدہ مہنگا بچھڑا پولیس نے 3 دن میں ان تھک محنت کے بعد آخر کار تلاش کر لیا۔

تفصیلات کے مطابق سپر ہائی وے مویشی منڈی سے چوری کیے جانے والا بچھڑا پولیس اور سیکیورٹی اداروں نے 3 روز کی اَن تھک محنت کے بعد برآمد کر لیا، گمشدہ بچھڑا ملنے پر تاجر خوشی سے نہال ہو گیا۔

سپر ہائی وے مویشی منڈی کے بلاک 9 کی پٹی نمبر 43 سکھر کے بیوپاری شعبان کو الاٹ کی گئی تھی، جو تین روز قبل سکھر سے مویشی لے کر منڈی پہنچا تھا۔

طویل مسافت کے بعد جب وہ منڈی میں مال اتارنے کے بعد سستانے کے لیے لیٹا تو سوتے ہی اس کا جانور نامعلوم افراد چوری کر کے لے گئے، جس کی اطلاع اس نے فوری پر طور سچل پولیس اور منڈی کی انتظامیہ کو دی۔

منڈی انتظامیہ نے پولیس اور بیوپاری کے ساتھ مل کر مسلسل بھاگ دوڑ کے بعد بچھڑے کا سراغ لگا لیا، جس کے بعد ایس ایچ او اورنگزیب خٹک اور سیکیورٹی اداروں نے لانڈھی کے علاقے میں کارروائی کرتے ہوئے بچھڑا برآمد کروا کر بیوپاری شعبان کے حوالے کر دیا۔

بیوپاری کا کہنا ہے کہ اس کا بچھڑا ساڑھے 3 لاکھ مالیت کا ہے، جسے برآمد کرانے پر وہ ایس ایچ او سچل اورنگزیب خٹک، محکمہ پولیس اور منڈی انتظامیہ کا شکر گزار ہے جن کی مدد سے وہ بڑے نقصان سے بچ گیا۔

Comments

یہ بھی پڑھیں