جنوبی ایشیائی ملک کمبوڈیا کے ایک لگژری ہوٹل میں آتشزدگی کی وجہ سے ہلاکتوں کی تعداد 27 ہوگئی ہے۔
تھائی لینڈ کے ٹی وی پی بی ایس کی خبر کے مطابق پوئی پت کے گرینڈ ڈائمنڈ سٹی ہوٹل میں 28 دسمبر کو لگنے والی آگ میں زخمی ہونے والے 112 افراد میں سے 27 کا علاج معالجہ جاری ہے۔
حکام کا کہنا ہے کہ39 گھنٹوں تک جاری رہنے والی امدادی کاروائیاں مکمل ہوگئی ہیں اور کل تک 25 ہونے والی اموات کی تعداد 27 ہوگئی ہے۔
بتایا گیا ہے کہ آگ لگنے کے وقت ہوٹل میں 400 سے زائد کارکنان موجود تھے جبکہ ہوٹل سے فرار ہونے کی کوشش کرنے والے بعض گاہک کھڑکیوں سے کودنے کے باعث اپنی جانوں سے ہاتھ دھو بیٹھے۔
اگرچہ آگ لگنے کی وجہ کا ابھی تک تعین نہیں ہوسکا ہے، تاہم خدشہ ہے کہ کرسمس کی سجاوٹ میں استعمال ہونے والی اشیاء سے یہ حادثہ پیش آیا ہے۔
Comments
- Advertisement -