کراچی: ایف آئی اے انٹر پول نے کمبوڈیا سے آنے والے ملزم کو لاہور ائیرپورٹ پر گرفتار کر لیا۔

تفصیلات کے مطابق ایف آئی اے انٹرپول پاکستان نے کارروائی کے دوران کمبوڈیا سے آنے والے ملزم کو لاہور ائیرپورٹ پر گرفتار کر لیا گیا۔

ترجمان ایف آئی اے کے مطابق ملزم ریڈ نوٹس پر بہاولنگرپولیس کو مطلوب تھا، ملزم ڈکیتی کی متعدد وارداتوں میں ملوث تھا۔

ایف آئی اے امیگریشن لاہور نے ملزم کو متعلقہ پولیس کے حوالے کر دیا۔