The news is by your side.

Advertisement

کینیڈین خاتون موٹر سائیکل پر پاکستان دیکھنے نکل پڑیں

لاہور: کینیڈین سیاح خاتون روزی گیبرئیل پاکستان کی محبت میں مبتلا ہو گئیں، موٹر سائیکل پر پاکستان کے مختلف شہر اور تفریحی مقامات دیکھنے نکل پڑیں۔

تفصیلات کے مطابق خود کو اکیلی موٹر سائیکل سیاح کہنے والی کینیڈین خاتون روزی پاکستان کے خوب صورت تفریحی مقامات دیکھنے نکلی ہیں۔

روزی گیبرئیل نے سماجی رابطوں کی ویب سائٹ فیس بک پر اپنی تصاویر پوسٹ کر دیں۔

روزی کا کہنا ہے کہ وہ اب تک مالم جبہ، صحرائے چولستان، قصور اور لاہور کی سیر کر چکی ہیں۔

قصور میں روزی نے صوفی شاعر بابا بلھے شاہ کے مزار کی زیارت بھی کی، مزار کی خاتون متولی نے ان کے سر پر ہاتھ رکھ کر دعا بھی دی اور دعا کرنے کا طریقہ بھی بتایا۔

روزی نے بتایا کہ مزار کے اندر داخل ہونے کے بعد ان کے احساسات ایک دم تبدیل ہو گئے اور ان پر ایک روحانی کیفیت طاری ہو گئی۔

خاتون سیاح نے لاہور کی تنگ گلیوں کی بھی سیر کی، ایک تندور والے کو چپاتیاں پکاتے ہوئے دیکھ کر حیران رہ گئیں، خود بھی روٹی بنانے کی کوشش کی۔

روزی گیبرئیل نے بتایا کہ ان کی آخری منزل گوادر ہے، وہ گوادر کی سیر کرنے کی خواہش مند ہیں۔

کینیڈین خاتون نے دنیا کو پیغام دیا کہ پاکستان محفوظ اور پر امن ملک ہے، یہاں کے لوگ بہت پیار کرنے والے اور مخلص ہیں۔

Comments

comments

یہ بھی پڑھیں