The news is by your side.

جو آئین کیلئے لڑے وہ بھٹو اور نواز شریف بن جاتے ہیں، کیپٹن (ر) صفدر

لاہور : مسلم لیگ ن کے رہنما اور پارٹی چیف آرگنائزر مریم نواز کے شوہر کیپٹن (ر) صفدر نے کہا ہے کہ جو آئین کیلئے لڑے وہ نواز شریف اور ذوالفقار علی بھٹو بن جاتے ہیں۔

یہ بات انہوں نے میڈیا سے گفتگو کرتے ہوئے کہی، انہوں نے کہا کہ اب وقت آگیا ہے کہ ہم نے ووٹ کو عزت دلانی ہے، چیف آرگنائزر مسلم لیگ ن مریم نواز وطن واپس تشریف لارہی ہیں۔

ان کا کہنا تھا کہ جنہوں نے ہمارے الیکشن چوری کئے ان کا پہلے احتساب ہوگا، ہم آئین کی جنگ لڑرہے ہیں نواز شریف تمہارے حقوق کی جنگ لڑرہا ہے، ووٹ کے چوروں کا احتساب کرو ،ہمارے ساتھ زیادتی ہوئی،

کیپٹن (ر) صفدر نے کہا کہ لوگ کہتے ہیں کہ مہنگائی ہے اور بجلی نہیں, شکر کرو شہباز شریف نے ملک کو بچا لیا، ورنہ ملک سری لنکا بننے جارہا تھا، شہباز شریف نے اپنی سیاست نہیں بچائی ملک بچایا ہے۔

مریم نواز پر یہ فرض ہے کہ قوم کو بتائیں کہ جمہوریت اور آئین کے خلاف سازش کیسے ہوئی کس نے کی؟
الیکشن سے پہلے 2013کو الیکشن چوری ہوا،2018کو پورا الیکشن چوری کرلیا گیا۔

25تاریخ کو ایک بارپھر کے پی والے عمران خان کو شکست دیں گے، ن لیگ نے پہلے دلدل سے بچایا اب ڈیفالٹ سے بچائیں گے۔

عمران خان لوگ کہتے ہیں تم نے ملک کو تباہ کیا ایٹمی پروگرام کو رول بیک کرنا چاہتے تھے،27تاریخ کو ہم پاکستان کو بچانے کی ابتدا کریں گے، ہم ٹھپے لگا کر نواز شریف کو اسلام آباد پہنچائیں اور ثاقب نثار ایک قلم سے اسے ہٹا دے۔

جن طاقتوں نے عمران خان کو کھڑا کیا انہوں نے پاکستان کو دھکیل کر پیچھے کردیا،جب تک ثاقب نثار ،اس کے حواری اڈیالہ جیل نہیں جائیں گے یہ الیکشن نہیں ہوگا۔

Comments

یہ بھی پڑھیں