لاہور: قومی کرکٹ ٹیم کے کپتان بابراعظم نے سال دوہزار اکیس میں کرکٹ ٹیم کی مجموعی کارکردگی پر اطمینان کا اظہار کیا ہے۔
اے آر وائی نیوز کے مطابق اپنے بیان میں قومی کرکٹ ٹیم کے کپتان بابراعظم نے سال 2021 میں قومی ٹیم کی مجموعی کارکردگی پر گفتگو کرتے ہوئے کہا کہ ہمارے لیے یہ شاندار سال رہا، اس سال ٹیم کی مجموعی اور لڑکوں کی انفرادی کارکردگی بہترین رہی۔
بابراعظم نے کہا کہ محمد رضوان، شاہین آفریدی ،حسن علی نے رواں سال بہترین کارکردگی کا مظاہرہ کیا جبکہ عبداللہ شفیق، شاہنواز دہانی اور وسیم جونیئر کی صورت میں بہترین کرکٹر ملے۔
بابراعظم نے کہا کہ یہ معنی نہیں رکھتا کہ آپ اپنے سفر کا آغاز کیسا کرتے ہیں، معنی یہ رکھتا ہےکہ آپ سفر اختتام کیسےکرتے ہیں؟۔
ایک سوال کے جواب میں بابراعظم نے کہا کہ 2021 کا شاندار لمحہ ٹی 20 ور لڈکپ میں بھارت کیخلاف کامیابی تھی، روایتی حریف کو ہرا کر تاریخ بدلنے پربہت خوش ہوا، سیمی فائنل میں آسٹریلیا سے شکست اس سال کا دل توڑنے والالمحہ تھا۔
ٹی ٹوئنٹی ورلڈکپ میں کارکردگی سے متعلق کپتان بابراعظم کا کہنا تھا کہ کوشش یہی تھی کہ ہر میچ میں حریف ٹیم پر اثر ڈالیں، مختلف میچز میں مختلف پلیئر آف دی میچز بہترین مومنٹم کی جھلک تھی۔
قومی ٹیم کے کپتان نے شائقین سے ٹیم کوسال 2022میں بھرپور سپورٹ کرنےکی درخواست کی تھی۔
37th edition of PCB Podcast is out now! Follow the link to hear how Babar Azam reviews 2021 along with Ian Bishop and Simon Doull sharing their thoughts on the evolvement of Cricket in Pakistan.
Full Podcast: https://t.co/Dk2K2a0nUi pic.twitter.com/B9LbS3yQz3— Pakistan Cricket (@TheRealPCB) December 31, 2021
