The news is by your side.

Advertisement

عمران صاحب، یہ تھپڑ دانیال کو نہیں پارلیمان کے منہ پر مارا گیا، کیپٹن(ر) صفدر

اسلام آباد : کیپٹن ریٹائرڈ صفدر کا کہنا ہے کہ یہ تھپڑ صرف دانیال عزیزکو نہیں پورے پارلیمان کو مارا گیا ہے، عمران خان کو نوٹس لینا چاہیے، کے پی کی ناکام حکومت ملنے پر آپ نے تھپڑ مارنا شروع کردیئے۔

تفصیلات کے مطابق مسلم لیگ ن کے مرکزی رہنما اور رکن قومی اسمبلی کیپٹن (ر)صفدر نے احتساب عدالت میں میڈیا سے گفتگو کرتے ہوئے دانیال عزیز کو تھپڑ مارنے پر ردعمل دیتے ہوئے کہا ہے کہ دانیال عزیز کی جرات اور برداشت کو سراہتا ہوں، عمران صاحب، یہ تھپڑ دانیال کو نہیں پارلیمان کے منہ پر مارا گیا۔

کیپٹن صفدر نے کہا کے پی کی ناکام حکومت ملنے پرآپ نے لوگوں کو تھپڑ مارنا شروع کردیئے، ، عمران خان کو نوٹس لینا چاہیے ، یہ کلچرختم ہوناچاہیے

ان کا مزید کہنا تھا کہ نے کہا کہ یہ پہلے دن سے کنٹینر کی سوچ لےکر ٹی وی چینلوں پرآئے ہیں،دانیال عزیز کو تھپڑ مارنے والے نوجوانوں کو یہ کلچر دے رہے ہیں۔

کیپٹن صفدر نے کہا کہ اگر خدانخواستہ پی ٹی آئی کے ہاتھ میں ماچس آگئی تو کیا ہوگا؟۔

یاد رہے سابق وزیراعظم نواز شریف کے داماد کیپٹن صفدر نے نواز شریف کے ممبئی حملوں سے متعلق بیان پر تنقید کو سازش قرار دیتے ہوئے کہا تھا کہ الیکشن سے پہلے نواز شریف کیخلاف سازشیں کی گئی ہیں۔

ان کا کہنا تھا کہ ایک نقطے نے محرم سے مجرم بنا دیا، سازش کنٹینر سےشروع ہوکر عدالتوں تک پہنچی، نواز شریف کے بیان کو صحیح طرح سے پڑھاجائے، بھارتی میڈیا نے نواز شریف کے بیان کو تبدیل کیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں