پٹیالہ: بھارت میں پولیس اہلکار کو گاڑی تلے روندنے کی کوشش کی گئی جس کی ویڈیو منظرعام پر آگئی۔
بھارتی میڈیا کے مطابق پنجاب کے شہر پٹیالہ میں سیکیورٹی چیک پوسٹ پر روکے جانے پر کار سوارنے پولیس اہلکار کو گاڑی تلے روندنے کی کوشش کی۔
ویڈیو میں دیکھا جاسکتا ہے کہ پولیس اہلکار نے چیکنگ کے لیے گاڑی کو روکا تو پہلے ڈرائیور نے گاڑی روک دی پھر اچانک ہی گاڑی کی رفتار بڑھا دی اور پولیس اہلکار کو گاڑی تلے روندتے ہوئے فرار ہوگیا۔
پولیس کا کہنا ہے کہ واقعے میں زخمی ہونے والے پولیس اہلکار کو طبی امداد کے لیے اسپتال منتقل کردیا گیا ہے۔
#WATCH Car evading security check hits police personnel in Patiala, Punjab
Police say the injured police personnel is under medical treatment, car traced, further investigation underway
(Video source: Police) pic.twitter.com/ZF9wygy8Xm
— ANI (@ANI) August 14, 2021
پولیس کا کہنا ہے کہ کار سوار نے چیکنگ سے بچنے کے لیے پولیس اہلکار کو گاڑی سمیت گھسیٹا، گاڑی کا سراغ لگا لیا گیا ہے واقعے کی مزید تفتیش جاری ہے۔
سوشل میڈیا پر صارفین نے واقعے پر برہمی کا اظہار کرتے ہوئے کار سوار کو گرفتار کرنے کا مطالبہ کیا ہے۔
