کینیڈا کے مشہور سیاحتی مقام نیاگرا فال کے قریب ایک گاڑی دھماکے سے پھٹ گئی، جس کے باعث 2 افراد ہلاک اور ایک پیٹرولنگ افسر زخمی ہو گیا۔
امریکی میڈیا کے مطابق بدھ کے روز ہونے والا دھماکا امریکا اور کینیڈا کو ملانے والے پل رینبو پر ہوا جس کے بعد سیکیورٹی فورسز نے علاقے کو گھیرے میں لے کر برج کو ٹریفک کے لیے عارضی طور پر بند کر دیا تھا۔
گورنر نیویارک کیتھی ہوکل نے بتایا کہ ابتدائی تفتیش میں دہشت گردی کے شواہد نہیں ملے ہیں۔
اے پی کے مطابق نیاگرا فالز پر امریکا کی جانب سے آنے والی ایک تیز رفتار کار یو ایس کینیڈا پل کے قریب بے قابو ہو کر چیک پوائنٹ سے ٹکرا کر کریش ہو گئی، اور بعد ازاں اس میں زبردست دھماکا ہوا۔
#BREAKING: New surveillance video shows the moment when the white vehicle went airborne and crashed at the Rainbow Bridge Crossing checkpoint before going up in flames near Niagara Falls pic.twitter.com/7I2JGM9aTw
— R A W S A L E R T S (@rawsalerts) November 22, 2023
Niagara Falls VBEID pic.twitter.com/79VmtrVHX8
— Ron Mexico (@ronmexicos) November 22, 2023
ایف بی آئی کے بفیلو آفس نے بدھ کو دیر گئے کہا کہ اس نے اپنی تحقیقات مکمل کر لی ہیں، جائے وقوعہ کی تلاشی سے کوئی دھماکا خیز مواد نہیں ملا اور نہ ہی دہشت گردی کے کوئی شواہد ملے۔ رینبو برج پر ہونے والے اس واقعے نے سرحد کے دونوں جانب خدشات کو جنم دیا، امریکی صدر جو بائیڈن اور کینیڈا کے وزیر اعظم جسٹن ٹروڈو کو فوری طور پر بریفنگ دی گئی۔