کراچی : گلستان جوہر میں ملزم وزیراعلیٰ ہاؤس کے سینئرافسر کی گاڑی لے اڑا، چوری کے واقعے کا مقدمہ درج کرکے تفتیش شروع کردی۔
تفصیلات کے مطابق کراچی کے علاقے گلستان جوہربلاک13میں کار لفٹنگ کی واردات ہوئی، جہاں وزیراعلیٰ ہاؤس کے سینئر افسر کی گاڑی چوری ہوگئی۔
واردات کا مقدمہ شارع فیصل تھانے میں درج کرکے تفتیش جاری ہے ، مدعی مقدمہ محمد علی کے مطابق وہ سرکاری افسر ہے۔
- Advertisement -
مقدمے کے متن میں کہا گیا ہے کہ سرکاری افسر ہوں اس لیے گاڑی ملی ہوئی ہے، رات ایک بجے گاڑی گھر کے باہر کھڑی کی تھی۔
مدعی مقدمے نے بتایا کہ کام کے سلسلے میں حیدرآباد گیا واپس آیا تو گاڑی نہیں تھی، نامعلوم ملزم میری گاڑی چوری کر کے لے گیا۔
پولیس نے مقدمہ درج کرنے کے بعد تفتیش شروع کردی ہے۔
