بھارت کی ریاست اتراکھنڈ میں پولیس نے گلوکار جوبن نوتیال پر تنقید کرنے والے سوشل میڈیا صارف کے خلاف مقدمہ درج کر لیا۔
میڈیا رپورٹس کے مطابق جوبن نوتیال پاکستانی گانوں کا ریمیک بنا کر شہرت حاصل کرنے کی وجہ سے جانے جاتے ہیں۔ پولیس نے ان کے خلاف غلط معلومات پھیلانے اور تنقید کرنے والے سوشل میڈیا صارف کو مقدمے میں نامزد کیا۔
جوبن نوتیال کے مینجر نے پولیس میں شکایت درج کروائی تھی کہ گلوکار اور ان کی فیملی سے متعلق غلط معلومات پھیلائی جا رہی ہیں جس کی وجہ سے فیملی ذہنی تناؤ کا شکار ہے۔
متعلقہ: جوبن نوتیال نے افسوسناک حادثے کے بعد پہلی تصویر شیئر کر دی
مینجر نے پولیس کو بتایا کہ ایک نامعلوم سوشل میڈیا صارف کئی دن سے گلوکار پر تنقید کر رہا ہے جس کی وجہ سے شکایت درج کروانے پر مجبور ہوئے۔
دو سال قبل ایک لڑکی نے جوبن نوتیال پر سنگین الزامات عائد کیے تھے جبکہ بعد میں اپنے بیان سے مکر گئی تھی۔ لڑکی نے گلوکار سے معافی مانگتے ہوئے کہا تھا کہ اس نے مشہور ہونے کیلیے ایسا کیا تھا۔
