اسلام آباد: پاکستان تحریک انصاف نے وزیراعظم کے داماد کیپٹن صفدر کے خلاف الیکشن کمیشن میں درخواست دائر کردی ہے۔
تحریک انصاف کے سربراہ عمران خان نے اپنے ٹویٹرپیغام میں کہا ہے کہ ان کی جماعت نے مریم نواز کے شوہر اور وزیراعظم کے داماد کے خلاف اثاثے چھپانے کا مقدمہ درج کرایا گیا ہے۔
الیکشن کمیشن آف پاکستان میں دائر کردہ درخواست میں تحریک انصاف کی جانب سے موقف اختیار کیا گیا ہے کہ کیپٹن صفدر نے اپنی اہلیہ کے اثاثے چھپائے ہیں۔
Case filed by PTI before ECP against Capt Safdar's concealment of wife's assets. Now nation waits to see ECP act to implement it's laws
— Imran Khan (@ImranKhanPTI) May 12, 2016
عمران خان نے اپنے ٹویٹرپیغام میں مزید کہا ہے کہ اب قوم انتؓظار کرے کہ الیکشن کمیشن کی جانب سےقانون پر عمل درآمد کب کیا جاتا ہے۔
واضح رہے کہ کیپٹن صفدر مانسہرہ سے قومی اسمبلی کے حلقہ این اے 21 کے ممبرمنتخب ہوئے تھے اور انتخابات میں حصہ لینے کے لئے اپنے اوراپنے تمام متعلقین کے اثاثے ڈکلئیر کرنا انتخابی ضابطے کا حصہ ہے جس کی خلاف ورزی پر آرٹیکل 62، 63 کے تحت کارروائی عمل میں لائی جاسکتی ہے۔
عمران خان نے ایک اور ٹویٹر پیغام میں کہا کہ ہم سے قبل قومیں اسی لیے برباد ہوگئی کہ انہوں نے انصاف کے دوہرے معیارات اپنائے۔
Our Prophet PBUH had warned that many nations had been destroyed when they had two sets of laws: one for the powerful & one for the weak 1/3
— Imran Khan (@ImranKhanPTI) May 12, 2016
2/3 Why is NAB not moving despite documentary evidence coming out in Panama Papers disclosures? NAB law requires action in such cases
— Imran Khan (@ImranKhanPTI) May 12, 2016
3/3 If NAB chief does not take action on Panama documentary revelations, it would be an offence itself U/s 9 ( a ) of NAO 1999.
— Imran Khan (@ImranKhanPTI) May 12, 2016
پاناما پیپرز کی دوسری قسط کے مطابق دوہزار پندرہ کے ڈیٹا میں بھی مریم صفدر نیلسن انٹرپرائزز کی مالک ہیں، پاناما پیپرز کے مطابق وزیر اعظم نواز شریف کی صاحبزادی مریم صفدرنے کاغزات میں اپنی کمپنی کا ایڈریس سعودی عرب ظاہرکیا ہے، پاناما پیپرز کے مطابق نواز ٹرسٹ اکیس جولائی انیس سو پچانوے میں قائم ہوا، اس وقت میاں نواز شریف وزیر اعظم تھے ۔
پاناما پیپرز کی اب تک دو اقساط منظرعام پر آچکی ہیں جن میں لگ بھگ 400 پاکستانیوں کے نام شامل ہیں ، پاناما کی پہلی فہرست میں وزیراعظم کے بیٹے حسن اور حسین نواز، بیٹی مریم نواز اورداماد کیپٹن صفدر کے نام شامل تھے جس کے بعد سے وزیراعظم پر اپوزیشن کی جانب سے تحقیقات اور استعفے کے لئے دباو ہے۔
0
20
