The news is by your side.

Advertisement

کراچی : شیریں جناح کالونی میں مسافر بس کے قریب بم دھماکہ کا مقدمہ درج

کراچی: شیریں جناح کالونی میں مسافر بس کے قریب بم دھماکہ کا مقدمہ درج کرلیا گیا ، مقدمے میں دہشت گردی کی دفعات شامل کی گئی , واقعے میں 6 افرادزخمی ہوئےتھے۔

تفصیلات کے مطابق کراچی کےعلاقہ شیریں جناح کالونی میں بم دھماکہ کا مقدمہ درج کرلیاگیا، مقدمہ سرکار کی مدعیت میں درج کیا گیا، جس میں دہشت گردی کی دفعات بھی شامل ہیں۔

دوسری جانب بم ڈسپوزل یونٹ نے واقعےکی رپورٹ مرتب کرلی ہے، جس میں بتایا گیا آئی ای ڈی ڈیوائس کےذریعےدھماکہ کیاگیا، بارودی موادسائیکل کی سیٹ میں نصب کیاگیاتھا۔

مزید پڑھیں : کراچی : مسافربس میں دھماکا

بم ڈسپوزل یونٹ کا کہنا تھا کہ 200سے250گرام بال بیرنگ استعمال کیے گئے، واقعے میں6 افرادزخمی ہوئے۔

یاد رہے گذشتہ روز کراچی کے علاقے شیریں جناح کالونی کےقریب مسافربس میں دھماکا ہواتھا ، ساؤتھ زون پولیس حکام نے بارودی مواد کےدھماکےکی تصدیق کرتے ہوئے کہا تھا کہ جائے وقوع سے سلنڈر کا کوئی ٹکرا نہیں ملا، بس ٹرمینل کے گیٹ پر مبینہ طور پر دھماکا خیز مواد موجود تھا جبکہ جائے وقوع سے گزرنے والی بس دھماکے کی زد میں آئی۔

Comments

یہ بھی پڑھیں