اسلام آباد: متنارع ٹوئٹ پر سینیٹر اعظم سواتی کے خلاف ایف آئی اے سائبر کرائم ونگ میں مقدمہ درج کرلیا گیا۔
تفصیلات کے مطابق سینیٹر اعظم سواتی کے خلاف ایف آئی اے سائبر کرائم ونگ میں مقدمہ درج کرلیا گیا۔
اعظم سواتی کے خلاف مقدمہ 13 اکتوبر کی رات ایک بجے ٹیکنیکل اسسٹنٹ کی مدعیت میں درج کیا گیا۔
مقدمہ انسدادالیکٹرنک کرائم ایکٹ 216کی دفعات ، پیکا کی دفعات 20، 131، 500، 505 اور تعزیت پاکستان کی دفعہ 109کے تحت درج کیا۔
مقدمے کے متن میں کہا ہے کہ اعظم سواتی نے بدنیتی پر مبنی اور غلط مقاصد کے لیے انتہائی تضحیک آمیز ٹوئٹ کیا، جس میں ریاست پاکستان، اداروں کو براہ راست نشانہ بنایا۔
ایف آئی اے کے مقدمےمیں اعظم سواتی کے متنازع ٹوئٹ کا متن بھی شامل کیا گیا اور کہا ہے کہ اعظم سواتی نے ملکی عدالتوں کو نشانہ بنایا اور غلط معلومات پھیلا کر ریاستی اداروں کے خلاف اکسانے کی کوشش کی۔
