راولپنڈی میں ٹریفک پولیس کیجانب سے گاڑی اٹھانے کی ویڈیو وائرل کرنے پر شہری کے خلاف مقدمہ درج کر لیا گیا۔
تفصیلات کے مطابق ٹریفک وارڈن کی مدعیت میں شہری کے خلاف پیکا ایکٹ کے تحت مقدمہ درج کیا گیا۔ مقدمہ پیکا ایکٹ 2016 کی دفعہ 21 کی سب سکشن ون ڈی کےتحت درج ہوا۔
مقدمہ متن میں کہا گیا ہے کہ ملزم نے رانگ پارکنگ پر کھڑی گاڑی کو اٹھانے کی ویڈیو سوشل میڈیا پر وائرل کی حالانکہ قانون کے مطابق رانگ پارکنگ پر چالان ٹکٹ بھی جاری کیا گیا۔
گاڑی دکان کے باہر کھڑی تھی جس کی دکان مالک نے ویڈیو بنائی، دکان مالک نے ٹریفک پولیس کیخلاف نفرت،اشتعال انگیزی کیلئے ویڈیو وائرل کی۔
ملزم کا اقدام پیکا ایکٹ 2016 کے تحت قابل تعزیز جرم ہے۔
