The news is by your side.

Advertisement

سابق بھارتی کپتان کے خلاف فراڈ کا مقدمہ درج

بہار: بھارتی بزنس مین نے بھارتی کرکٹ ٹیم کے سابق کپتان مہندرا سنگھ دھونی سمیت 8 افراد کے خلاف فراڈ کا مقدمہ درج کروادیا ہے۔

بھارتی میڈیا کی رپورٹس کے مطابق سابق کپتان مہندرا سنگھ دھونی سمیت 8 افراد کے خلاف مقدمہ بہار کے بیگو سرائے سی جے ایم کورٹ میں ڈی ایس انٹرپرائزز کی جانب سے درج کروایا گیا ہے۔

کمپنی کے مالک نے موقف اپنایا ہے ‘نیو گلوبل پروڈکشن انڈیا لمیٹڈ’ کمپنی کی طرف سے فراہم کردہ 30 لاکھ کا چیک باؤنس ہو گیا ہے۔ مقدمہ میں متاثرہ فریق نے ‘نیو گلوبل پروڈکشن انڈیا لمیٹڈ’ کمپنی کے سی ای او راجیش آریہ، ڈائریکٹر (اکاؤنٹ ایڈمنسٹریشن) مہندر سنگھ۔، مارکیٹنگ ہیڈ ارپت دوبے، اے ڈی عمران بن ظفر، مارکیٹنگ منیجر وندنا آنند اور مارکیٹنگ اسٹیٹ ہیڈ بہار اجے کمار شامل ہیں۔ سابق بھارتی کپتان اس پراڈکٹ کی تشہیر کرتے ہیں اور کمپنی کے چیئرمین بھی ہیں۔

نیرج کمار نیرالا نے الزام لگایا کہ ہماری کمپنی نے نیو گلوبل پروڈیوس انڈیا لمیٹڈ کے ساتھ 30 لاکھ مالیت کی کھاد فراہم کرنے کا معاہدہ کیا تھا، تاہم کمپنی نے بیچنے والے کے ساتھ تعاون نہیں کیا اور بھاری مقدار میں کھاد فروخت نہ ہوسکی، جس پر کمپنی نے کھاد واپس لے لی تھی، اور رقم کی واپسی کیلئے چیک دیا جو باؤنس ہوگیا۔

انہوں نے کہا کہ عدم تعاون پر اور قانونی نوٹس کا جواب نہ دینے پر کمپنی کی جانب سے مقدمہ درج کروانے کا فیصلہ کیا ہے۔

ملزمان کے خلاف عدالت میں دھوکا دہی کی دفعہ 138 کے تحت شکایت درج کروائی گئی ہے, ملزمان پر الزام ثابت ہونے کی صورت میں 2 سال قید یا جرمانہ عائد کیا جاسکتا ہے۔

Comments

یہ بھی پڑھیں