کائٹہ: پاکستان تحریک انصاف کے چیئرمین اور سابق وزیر اعظم عمران خان کی گرفتاری کے بعد پی ٹی آئی کارکنان اور رہنماؤں کی گرفتاری کا سلسلہ جاری ہے۔
تفصیلات کے مطابق ملک کے بڑے شہروں کی طرح کوئٹہ میں بھی پرتشدد احتجاج کرنے والے پی ٹی آئی کارکنان کے خلاف پولیس کا کریک ڈاؤن جاری ہے، کوئٹہ میں 65 پی ٹی آئی کارکنان گرفتار کیا گیا ہے۔
اس کے علاوہ سابق ڈپٹی اسپیکر قومی اسمبلی اور پی ٹی آئی کے سینئر نائب صدر قاسم سوری، مبین خلجی، منیربلوچ و دیگر کیخلاف مقدمہ درج کرلیا گیا ہے۔
رپورٹ کے مطابق پی ٹی آئی صوبائی سیکرٹریٹ پر پولیس چھپاپے کے دوران 12 سے زائد کارکنان کو گرفتار کیا جبکہ دکی میں پی ٹی آئی کے ضلعی صدر سمیت 4 کارکنان بھی پولیس کی حراست میں ہیں۔
واضح رہے کہ سابق وزیر اعظم عمران خان کی گرفتاری کے بعد لاہور،کراچی، پشاور، کوئٹہ، اسلام آباد اور فیصل آباد سمیت کئی شہروں میں کارکنان کی جانب سے احتجاج جاری ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں