کراچی : سربراہ عوامی مسلم لیگ شیخ رشید پر بلاول بھٹو کیخلاف غیر اخلاقی زبان استعمال کرنے پر کراچی میں بھی مقدمہ درج کرلیا گیا۔
سربراہ عوامی مسلم لیگ شیخ رشید کے خلاف ایک اور مقدمہ درج کرلیا گیا۔
شیخ رشید کے خلاف مری کے بعد کراچی کے تھانہ موچکو میں بھی مقدمہ درج ہوگیا،مقدمہ بلاول بھٹو کیخلاف غیر اخلاقی زبان استعمال کرنے پر درج کیا گیا۔
شیخ رشید کیخلاف مقدمے میں 153،500،504،506دفعات لگائی گئیں ہیں۔
شیخ رشید کی گرفتاری کیلئے سندھ پولیس کی ٹیم تشکیل دے دی گئی اور ٹیم شیخ رشید کو گرفتار کرنے کے لئے روانہ ہوگئی ہے۔
شیخ رشید کو راولپنڈی سے گرفتارکرکےکراچی لایا جائے گا۔
اس سے قبل شیخ رشید کیخلاف تھانہ مری میں مقدمہ درج کیا گیا تھا ، مقدمہ کار سرکار مداخلت اور سنگین نتائج کی دھمکیاں دینے کی دفعات کےتحت درج ہوا۔
مقدمے میں پولیس ملازم کی وردی پھاڑنےکی دفعہ بھی شامل کی گئی اور متن میں کہا گیا کہ شیخ رشید کی گرفتاری کیلئےتریٹ میں گھرپرچھاپہ مارا، وہ ملازمین سمیت ملاح باہر آئے ،جنہیں مقدمہ اور گرفتاری بارے آگاہ کیا۔
مقدمے کے متن کے مطابق شیخ رشیدنےپولیس ملازمین سےمزاحمت کی،سنگین نتائج کی دھمکیاں دیں اور پولیس اہلکارسےہاتھاپائی کی،جس سے سرکاری یونیفارم پھٹ گیا۔
