کورونا سے متاثرہ کیٹگری سی ممالک سے مسافروں کی پاکستان آمد کے سلسلے میں زمبابوے سے قومی کرکٹ ٹیم کے ٹی 20 اسکواڈ کو وطن واپسی کی اجازت مل گئی۔
سول ایوی ایشن اتھارٹی نے پی سی بی کی درخواست پر10 کھلاڑیوں کو پا کستان داخلے کی اجازت دے دی۔ اس حوالے سے ڈائریکٹر ایئر ٹرانسپورٹ عرفان صابر نے نوٹیفکیشن جاری کر دیا ہے۔
محمد حفیظ، عثمان قادر، آصف علی، محمدحسنین، دانش عزیز اور شرجیل خان غیر ملکی ایئرلائینز سے 27 اپریل کو لاہور پہنچیں گے۔
فخرزمان، محمدوسیم، ارشداقبال اور حیدرعلی 28اپریل کو غیرملکی ائیر لائن کی پرواز سے لاہور پہنچیں گے۔
سول ایوی ایشن کا کہنا ہے کہ وطن واپسی پر کورونا ایس او پیز پر عملدرآمد لازمی ہوگا، کورونا ٹیسٹ اور گھر میں 7سے 10 روز قرنطینہ کرنا ہوگا۔
