لاہور: پنجاب پولیس میں آج بڑی تبدیلی کی گئی ہے، سی سی پی او لاہورعمر شیخ کی جگہ خالد محمود ڈوگر نئےسی سی پی او لاہور تعینات کردئیے گئے ہیں۔
تفصیلات کے مطابق عمر شیخ کی جگہ غلام محمود ڈوگر نئےسی سی پی او لاہور تعینات کئے گئے ہیں، جس کا نوٹی فیکیشن بھی جاری کردیا گیا ہے ساتھ ہی عمرشیخ کوڈپٹی کمانڈنٹ تعینات کردیا گیا ہے۔
غلام محمود ڈوگر آر پی او فیصل آباد تعینات تھے، اس سے قبل غلام محمود ڈوگر لاہور میں ڈی آئی جی آپریشنزکی ذمہ داریاں ادا کر چکے ہیں۔
ذرائع کا کہنا ہے کہ وزیر اعلیٰ پنجاب نے شہر میں بڑھتے جرائم کا بھی نوٹس لیا تھا، عمر شیخ لاہور میں قبضہ مافیا کا بھی خاتمہ کرنے میں ناکام رہے، جس کے باعث انہیں تبدیل کیا گیا۔
ذرائع کا یہ بھی کہنا ہے کہ عمر شیخ پر ماتحت افسران سے غیر مناسب رویےکا بھی الزام تھا، سابق سی سی پی او لاہور کے حکم پر 4 ماہ میں 1263 تبادلے کئے گئے تھے۔
