اسلام آباد: ججوں کو ملنے والے دھمکی آمیز خطوط کی تحقیقات میں چار کیمروں کی سی سی ٹی وی فوٹیج سی ٹی ڈی کو مل گئی، ملزمان کی شناخت کیلئے ویڈیوز نادرا کوبھجوائی جائیں گی۔
تفصیلات کے مطابق ججز کو دھمکی آمیزخطوط ملنے کے معاملے کی تحقیقات میں بڑی پیشرفت سامنے آئی۔
ذرائع نے بتایا کہ 4 کیمروں کی سی سی ٹی وی فوٹیج سی ٹی ڈی نے حاصل کرلی، سی سی ٹی وی کیمروں کی ویڈیوزکاجائزہ لیا جا رہا ہے۔
ملزمان کی شناخت کیلئے ویڈیوزنادرا کوبھجوائی جائیں گی، سی ٹی ڈی نے تمام ریکارڈ نادرا کو بھجوادیا ہے۔
یاد رہے ججوں کو موصول خطوں سے ملنے والا سفوف آرسینک زہر نکلا تھا ، فارنزک رپورٹ کے مطابق سفوف میں پندرہ فیصدآرسینک تھا،آرسینک زہرسانس میں جانےسے اعصاب شدیدمتاثرہوتےہیں۔
خیال رہے لاہور ہائیکورٹ کےجسٹس علی باقرنجفی کو بھی مشکوک خط موصول ملا،چیف جسٹس سمیت اسلام آباد ہائی کورٹ اور لاہورہائی کورٹ کے ججوں کوخط موصول ہوچکے ہیں۔
بعد ازاں ڈی جی پاکستان پوسٹ نے ملک بھر کے پوسٹ ماسٹرز کو احتیاطی تدابیر کیلئےمراسلہ جاری کیا تھا ، جس میں اہم شخصیات کیلئے آنیوالے خطوں اورپارسلز پر نگرانی رکھنے کی ہدایت کی تھی۔
