The news is by your side.

Advertisement

شادی ہالز کے اندر تقریبات پر پابندی لگ گئی، تفصیلات جاری

لاہور: پنجاب حکومت نے شادی ہالز کے اندر تقریبات پر پابندی کا نوٹیفکیشن جاری کر دیا۔

اے آر وائی نیوز کے مطابق پنجاب میں شادی ہالز کے اندر تقریبات پر پابندی ہوگی، شادی و دیگر تقریبات کی اجازت صرف کھلی جگہوں پر ہوگی۔

نوٹیفکیشن کے مطابق تقریبات میں زیادہ سے زیادہ 300 افراد کی اجازت ہوگی، عوامی اجتماعات میں 300 سے زائدافراد کے اکٹھے ہونے کی اجازت نہیں۔

نوٹیفکیشن میں کہا گیا ہے کہ کھلی جگہ پر تقریبات میں ایس او پیز پر عمل درآمد لازم ہوگا، تقریبات کے علاوہ عوامی مقامات پر ماسک پہننا بھی لازم ہوگا۔

ملک میں 24 گھنٹوں کے دوران کرونا وائرس کے 36 مریض جاں بحق

یہ پابندی پنجاب انسدادِ وبائی امراض آرڈیننس کے تحت لگائی گئی ہے، اور اس پابندی کا اطلاق 20 نومبر (آج ) سے ہوگا، اور 31 جنوری تک لاگو رہےگا۔

واضح رہے کہ کرونا وائرس وبا کی دوسری لہر میں ایک بار پھر ملک بھر میں کیسز کی تعداد میں اضافہ ہو رہا ہے، کرونا انفیکشن کے باعث اموات کی تعداد بھی بڑھنے لگی ہے۔

نیشنل کمانڈ اینڈ آپریشن سینٹر کے مطابق ملک میں گزشتہ 24 گھنٹوں کے دوران مزید 2 ہزار 738 کرونا کیسز رپورٹ ہوئے، جس سے ملک میں کرونا کے مصدقہ کیسز کی تعداد 3 لاکھ 68 ہزار 665 ہو گئی ہے۔

Comments

یہ بھی پڑھیں