spot_img

تازہ ترین

’فوج نے مینڈیٹ کے مطابق الیکشن کیلیے محفوظ ماحول فراہم کیا‘

کورکمانڈرز کانفرس کے شرکأ نے عام انتخابات میں الیکشن...

وزیراعظم شہباز شریف کی کابینہ میں کون کون شامل ہوگا ؟ بڑے نام سامنے آگئے

اسلام آباد : وزیراعظم شہباز شریف کی وفاقی کابینہ...

بانی پی ٹی آئی کی رہائی کیلیے قرارداد قومی اسمبلی میں جمع

پاکستان تحریک انصاف کے بانی کو رہا کرنے کی...

شاہد کپور اور کریتی سینن کی فلم سے چند مناظر ہٹانے کا حکم

ممبئی: بالی وڈ کے نامور اسٹارز شاہد کپور اور کریتی سینن کی فلم ’تیری باتوں میں ایسا الجھا جیا‘ سے چند مناظر ہٹانے کا حکم جاری کر دیا گیا۔

میڈیا رپورٹس کے مطابق شاہد کپور اور کریتی سینن کی فلم آج سے ٹھیک دو دن بعد 9 فروری کو نمائش کیلیے سینما گھروں میں پش کی جائے گی جس کیلیے مداح بے حد پُرجوش ہیں۔

ایسے میں سینٹرل بورڈ آف فلم سرٹیفیکیشن (سی بی ایف سی) نے فلم سے چند مناظر ہٹانے کا فیصلہ کیا ہے۔ علاوہ ازیں، بورڈ نے یہ بھی حکم جاری کیا ہے کہ اس میں لفظ ’شراب‘ کو ’پینے‘ سے تبدل کیا جائے۔

شاہد کپور اور کریتی سینن پہلی بار ایک ساتھ بڑے پردے پر نظر آئیں گے۔ ’تیری باتوں میں ایسا الجھا جیا‘ رومانوی کامیڈی فلم ہے جس کے مناظر ہٹانے کے نتیجے میں اس کا دورانیہ کم ہو جائے گا۔

بورڈ نے 36 سیکنڈز میں سے 9 سکینڈز کے مناظر پر اعتراض عائد کیا ہے۔ فلم یو/اے سرٹیفکیٹ حاصل کر چکی ہے اور اس کا کُل دورانیہ 2 گھنٹے 23 منٹ 15 سیکنڈز ہے۔

’تیری باتوں میں ایسا الجھا جیا‘ کی کہانی آریان اور سیفرا کے گرد گھومتی ہے۔ آریان کو بہترین جیون ساتھی کی تلاش ہے وہ امریکا میں آفیشل اسائنمنٹ کے دوران لڑکی سیفرا سے ملتے ہیں اور اس سے محبت کرنے لگتے ہیں تاہم بعد میں پتا چلتا ہے کہ یہ ایک ناممکن محبت کی کہانی ہے یعنی کے سیفرا روبوٹ ہے۔

امیت جوشی اور آرادھنا شاہ کی ہدایت کاری میں بننے والی اس فلم میں شاہد کپور اور کریتی سینن کے علاوہ دھرمیندر، ڈمپل کپاڈیا، ارجن پنچل و دیگر شامل ہیں۔

Comments

- Advertisement -