اے آر وائی ڈیجیٹل نیٹ ورک کے صدر اور سی ای او سلمان اقبال نے کہا ہے کہ اے آر وائی نیوز کو سچ کے ساتھ کھڑے ہونے کی سزا دی جا رہی ہے۔
اے آر وائی ڈیجیٹل نیٹ ورک کے صدر اور سی ای او سلمان اقبال نے وزیراطلاعات مریم اورنگزیب کی پریس کانفرنس پر سماجی رابطوں کی ویب سائٹ ٹوئٹر پر اپنے ٹوئٹس میں ردعمل کا اظہار کیا ہے اور کہا ہے کہ اے آر وائی نیوز کو سچ کے ساتھ کھڑے ہونے کی سزا دی جا رہی ہے، وفاقی وزیر اطلاعات کی پریس کانفرنس اس بات کو ثابت کرتی ہے۔
@Marriyum_A presser proves ARY is being punished for standing with the truth. Info Min misled abt court order as LHC ordered that ARY contract is legit & as per law. If the Govt thinks they can press us like this they are wrong. (Part1).
— Salman Iqbal ARY (@Salman_ARY) June 25, 2022
سلمان اقبال نے کہا کہ وزیر اطلاعات نے لاہور ہائیکورٹ سے متعلق جھوٹا بیان دیا جب کہ واضح عدالتی آرڈر ہے کہ اے آر وائی پی ٹی وی معاہدہ قانون کے مطابق ہے۔
صدر اور سی ای او اے آر وائی ڈیجیٹل نیٹ ورک نے کہا کہ اگر حکومت یہ سمجھتی ہے کہ وہ اے آر وائی کو ایسے ہتھکنڈوں سے دبا سکتی ہے تو یہ اس کی غلط فہمی ہے۔
Team ARY will continue to stand with ppl of Pak. I have fought my case in the court of law & will continue to do so. Let the courts & ppl of Pak decide. My trust in our judiciary is strong , that they will always uphold the truth. (Part2)
— Salman Iqbal ARY (@Salman_ARY) June 25, 2022
سلمان اقبال نے اپنے ٹوئٹ میں مزید کہا ہے کہ اےآر وائی پی ٹی وی معاہدے میں اے آر وائی نے خرچہ اپنے ذمے لیا، معاہدے میں اے آر وائی نے 60 فیصد خرچہ اپنے ذمے رکھا جب کہ منافع میں صرف 40 فیصد کا حصہ رکھا۔
صدر اور سی ای او اے آر وائی ڈیجیٹل نیٹ ورک کا کہنا تھا کہ ان کا یہ اقدام صرف پاکستان کیلئے ہے کہ میں ایسے معاہدے پر رضامند ہوا، کیونکہ کوئی کاروباری شخص ایسی شرائط پر آمادہ نہیں ہوتا جو مفاد میں نہ ہو، بڈنگ میں بولی دہندگان میں سے کسی نے ان شرائط پر آمادگی ظاہر نہیں کی تھی لیکن پاکستان اور کرکٹ سے محبت کی وجہ سے میں ان شرائط پر آمادہ ہوا۔
It was for Pakistan that i agreed on terms that ARY in contract with PTV will bear 60% cost and in return will get only 40% profit. No businessman wouldve agreed on such term,neither did any other bidder. But I did for a simple reason , love for my country and cricket!!! (Part3)
— Salman Iqbal ARY (@Salman_ARY) June 25, 2022
سلمان اقبال نے اپنے ٹوئٹ میں اس عزم کا اعادہ بھی کیا کہ ٹیم اے آر وائی پاکستان کے عوام کیلئے اپنی جدوجہد جاری رکھے گی۔
انہوں نے کہا کہ میں نے عدالتوں میں اپنا کیس لڑا ہے اور لڑتا رہوں گا، عدالتیں اور عوام تعین کریں گی کہ کون صحیح ہے اور کون غلط ہے؟ مجھے عدالتوں پر پورا بھروسہ ہے قانون کا بول بالا ہوگا۔
