متحدہ عرب امارات کے قومی دن پر تقریب ہوئی جس میں وزیر اطلاعات مریم اورنگزیب نے شرکت کی اور حکومت پاکستان وعوام کی جانب سے مبارکباد پیش کی۔
اے آر وائی نیوز کے مطابق وفاقی دارالحکومت اسلام آباد میں متحدہ عرب امارات کے 51 ویں قومی دن کے موقع پر تقریب منعقد کی گئی جس میں وفاقی وزیر اطلاعات ونشریات مریم اورنگزیب نے شرکت کی۔ اس موقع پر انہوں نے حکومت اور عوام کی جانب سے مبارک باد پیش کرتے ہوئے یو اے ای کے سفیر کو خیر سگالی اور نیک تمناؤں کا پیغام دیا اور کہا کہ پاکستان کے عوام متحدہ عرب امارات کو اپنا دوسرا گھر سمجھتے ہیں۔
مریم اورنگزیب نے کہا کہ دونوں ممالک کے درمیان برادرانہ تعلقات استوار ہیں۔ یہ دو طرفہ تعلقات مشترکہ ورثے اور کثیر الجہتی تعاون پر مبنی ہیں۔ پاکستان اور متحدہ عرب امارات کے تعلقات کی مزید مضبوطی کے لیے دعا گو ہیں۔
تقریب میں متعحدہ عرب امارات کا قومی ترانہ پڑھا گیا اور روایتی رقص بھی پیش کیا گیا۔