site
stats
پاکستان

مشرف کا ساتھ دینے والے نئے پاکستان کے دعویدار بن گئے، نثار

کلرسیداں: وفاقی وزیر داخلہ چوہدری نثار علی خان نے کہا ہے کہ نئے پاکستان کے دعویداروں کے اردگرد مشرف کے ساتھ وفاداری نبھانے والے لوگ موجود ہیں جو ق لیگ کا بھی دم بھرتے تھے۔

کلرسیداں میں کارکنان سے خطاب کرتے ہوئے چوہدری نثار علی خان نے کہا کہ ایسے لوگ کسی کے وفادار نہیں ہوسکتے جو مختلف جماعتوں کا دم بھرتے ہوئے نئے پاکستان کے دعویداروں کے ساتھ شامل ہوئے، وفاداریاں تبدیل کرنے یا جماعتیں بدلنے سے کردار نہیں بدلتے۔

انہوں نے کہا کہ لوگوں نے آمر کا ساتھ دینے والوں کو بھی ووٹ ڈالے، حلقے سے گلہ ہے کہ انہوں نے ق لیگ کے امیداواران کو بھی ووٹ ڈالے تاہم قوم یہ جانتی ہے کہ کس نے اقتدار ذاتی مقاصد کے لیے استعمال کیا۔

چوہدری نثار نے کہا کہ کچھ لوگوں نے اقتدار میں رہ کر عوام کے لیے کچھ نہیں کیا انہوں نے بس عہدے کو ذاتی مقاصد اور فائدے کے لیے استعمال کیا، تاریخ گواہ ہے کہ عوام کا درد رکھنے والے ہی مسائل حل کرسکتے ہیں۔

وفاقی وزیر داخلہ نے مزید کہا کہ آج ہم چوراہوں پر گالیاں دینے والوں پر بھی تالیاں بجاتے ہیں تاہم میرے حلقے کے لوگوں نے ہمیشہ مجھ پر بھروسہ کیا، آج ہم تم فخر سے کہہ سکتے ہو کہ تمھارا لیڈر دو نمبر نہیں ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top