The news is by your side.

Advertisement

‘آج تمام تجارتی مراکز کھلے رہیں گے’

کراچی : چیئرمین آل کراچی تاجراتحاد نے اعلان کیا ہے کہ آج تمام تجارتی مراکز کھلے رہیں گے، رمضان میں گرمیوں کے باعث رات کے اوقات میں کاروبار کی اجازت دی جائے۔

تفصیلات کے مطابق چیئرمین آل کراچی تاجراتحاد عتیق میر نے سندھ حکومت کی جانب سے نئے حکم نامے سے متعلق کہا ہے کہ آج تمام تجارتی مراکز کھلے رہیں گے ، تجارتی سرگرمیاں معمول کے مطابق جاری رہیں گی۔

عتیق میر کا کہنا تھا عید پر خرید و فروخت کیلئے تاجروں نے اربوں کی سرمایہ کاری کی ہے، اوقات کار میں کمی سے عوام کیلئے عید کی خریداری میں مشکلات پیدا ہوں گی۔

چیئرمین آل کراچی تاجراتحاد نے کہا کہ بار بار چھٹیوں کے دن تبدیل کرنے سے ابہام پیدا ہورہا ہے، رمضان میں گرمیوں کے باعث رات کے اوقات میں کاروبار کی اجازت دی جائے۔

دوسری جانب کراچی الیکٹرونکس ڈیلرز کا کہنا ہے کہ17اپریل کوالیکٹرونکس کی تمام مارکیٹیں کھلیں گی، حکومت سندھ کےنئےکورونا ایس اوپیزپراگلےہفتےسےعملدرآمدہوگا۔

محمدرضوان نے کہا کہ حکومت کےپرانے ایس اوپیزکےتحت جمعہ،اتوارکومارکیٹس بندہورہی تھیں، نئی ایس اوپیز پر اگر کل عملدرآمد ہواتو3روزکی بندش نہیں کرسکتے، اگلےہفتےسےہفتہ اوراتوارکومارکیٹ بند ہوں گی۔

Comments

یہ بھی پڑھیں