اسلام آباد : چیئرمین ایف بی آر امجد زبیرٹوانہ کا کہنا ہے آئندہ مالی سال کا ٹارگٹ ساڑھے بارہ ہزار ارب روپے سے زائد ہو سکتا ہے۔
تفصیلات کے مطابق چیئرمین ایف بی آر امجد زبیرٹوانہ نے وفاقی بجٹ تجاویز پر صحافیوں سےغیررسمی گفتگو کرتے ہوئے کہا کہ آئندہ مالی سال ایف بی آر کا ٹارگٹ ساڑھے بارہ ہزار ارب روپے سے زائد ہو سکتا ہے۔
امجد زبیر ٹوانہ کا کہنا تھا کہ ٹیکس ہدف اور ٹیکس کلیکشن کیلئے مختلف تجاویز زیر غور ہیں، نان فائلرز کو ٹیکس نیٹ میں لانے کیلئے فنانس بل میں اقدامات کیے جائیں گے.
انھوں نے بتایا کہ تاجر دوست اسکیم کی رجسٹریشن آئندہ مالی سال مزید بڑھائی جائے گی، کوشش کر رہے ہیں، رواں مالی سال کا ٹیکس ہدف مکمل کیا جائے۔
چیئرمین ایف بی آر نے کہا کہ ٹریک اینڈ ٹریس سسٹم کی کارکردگی کو بہتر بنانے کی کوشش کی جا رہی ہے اور دائرہ کار مزید وسیع کرنے کیلئے منصوبہ بندی کر رہےہیں۔
