لاہور: چیئرمین تحریک انصاف عمران خان آج لاہور پہنچیں گے جہاں وہ پی ٹی آئی اور ق لیگ کی پارلیمانی پارٹی کےاجلاس کی صدارت کرینگے۔
تفصیلات کے مطابق پاکستان تحریک انصاف کے چیئرمین عمران خان آج لاہور کا ایک روزہ دورہ کریں گے۔
ذرائع کا کہنا ہے کہ عمران خان اسپیکرپنجاب اسمبلی انتخاب کےمعاملےپراجلاس کی صدارت کرینگے اس کے علاوہ چیئرمین عمران خان پی ٹی آئی اور ق لیگ کی پارلیمانی پارٹی کےاجلاس کی صدارت کرینگے۔
ذرائع کے مطابق ق لیگ اور پی ٹی آئی کی مشترکہ پارلیمانی پارٹی کا اجلاس پنجاب اسمبلی میں ہوگا، اجلاس میں وزیراعلیٰ پنجاب، شاہ محمود،اسدعمر،فواد چوہدری،فرخ حبیب ودیگرشرکت کرینگے۔
یہ بھی پڑھیں: نیا اسپیکر پنجاب اسمبلی کون؟ فیصلہ آج ہوگا
دوسری جانب پنجاب اسمبلی آج نیا اسپیکر منتخب کرے گی جبکہ ڈپٹی اسپیکر دوست محمد مزاری کیخلاف تحریک عدم اعتماد پر بھی ووٹنگ ہوگی۔
اسپیکر پنجاب اسمبلی کیلئے پی ٹی آئی کی جانب سے سبطین خان جبکہ ن لیگ کے سیف الملوک کھوکھرآمنے سامنے ہیں۔
ڈپٹی اسپیکر کے خلاف تحریک اعتماد کی قرارداد منظور ہوچکی آج شام ان کے خلاف تحریک عدم اعتماد پر ووٹنگ بھی ہوگی، انتخاب خفیہ رائے شماری سے کیا جائے گا۔