17.3 C
Ashburn
ہفتہ, مئی 18, 2024
اشتہار

چیئرمین انٹر بورڈ کا جعلی پرچہ چلانے پر چینل کے خلاف کارروائی کا اعلان

اشتہار

حیرت انگیز

کراچی: چیئرمین انٹر بورڈ نے جعلی پرچہ چلانے پر ایک نجی چینل کے خلاف کارروائی کا اعلان کر دیا ہے۔

تفصیلات کے مطابق چیئرمین انٹر بورڈ ڈاکٹر سعید الدین نے کہا ہے کہ جس چینل نے پرسوں جعلی پرچہ چلایا اس کے خلاف کارروائی کرنے جا رہے ہیں۔

انھوں نے کہا جعلی پرچہ چلانے والے چینل کے خلاف پیمرا میں شکایت درج کرائیں گے، 10 بجکر 10 منٹ پر یہ کہنا کہ پیپر آؤٹ ہو گیا غلط تاثر دینا ہے۔

- Advertisement -

آج انٹر کے سالانہ امتحانات کا دوسرا دن تھا، چیئرمین انٹر بورڈ ڈاکٹر سعید الدین نے امتحانی مراکز کا دورہ کیا، میڈیا سے گفتگو کرتے ہوئے انھوں نے کہا کہ سینٹرز میں بجلی بندش کی شکایات دور کرنے کی کوشش کر رہے ہیں۔

انھوں نے ایک اور مسئلے پر بھی بات کرتے ہوئے کہا آج او ایم آر (آپٹیکل مارک ریکگنیشن) شیٹس کے بارے میں بھی پوچھا گیا، اس حوالے سے کچھ ابہام تھا مگر بچوں نے آسانی سے شیٹس بھر لیں۔ واضح رہے کہ انٹر میڈیٹ امتحانات میں پہلی بار اس ٹیکنالوجی کا استعمال کیا جا رہا ہے۔

کراچی میں انٹرمیڈیٹ امتحانات کا آغاز: بارہویں جماعت کا سوشل میڈیا پر وائرل ہونے والا پرچہ جعلی نکلا

ڈاکٹر سعید الدین نے کہا جب بھی کوئی نیا سسٹم آتا ہے، تو مسائل آتے ہیں، اگر کہیں شیٹس ضائع ہوتی ہیں تو ہم وہاں مزید فراہم کر دیں گے، ہماری جامعات بھی او ایم آر سسٹم پر ٹیسٹ لیتی ہیں۔

Comments

اہم ترین

انور خان
انور خان
انور خان اے آر وائی نیوز کراچی کے لیے صحت، تعلیم اور شہری مسائل پر مبنی خبریں دیتے ہیں

مزید خبریں