اتوار, مئی 26, 2024
اشتہار

چیئرمین میٹرک بورڈ سوشل میڈیا پر وائرل ہونے والے پرچے پر انوکھی منطق لے آئے

اشتہار

حیرت انگیز

کراچی : چیئرمین میٹرک بورڈ شرف علی شاہ سوشل میڈیا پر وائرل ہونے والے پرچے پر انوکھی منطق لے آئے۔

تفصیلات کے مطابق ثانوی تعلیمی بورڈ کراچی کے تحت نویں اور دسویں جماعت کے امتحانات کا آغاز ہوگیا۔

چیئرمین میٹرک بورڈ شرف علی شاہ کا امتحانی مراکز کا دورہ کیا، اس موقع گفتگو کرتے ہوئے کہا 50 منٹ قبل پرچے سینٹر میں پہنچاتے ہیں، قریب والے سینٹر میں 20 منٹ قبل پرچے بھیجتے ہیں۔

- Advertisement -

شرف علی شاہ کا کہنا تھا کہ پرچہ امتحانی مرکز سے وائرل ہوتا ہے تو ہماری زمہ داری نہیں ہے، دفعہ 144 نافذ کی ،عملدرآمد کرانا حکومت کی ذمہ داری ہے۔

انھوں نے مزید کہا ہے کہ پیپرلیک کرنے والے ایجنٹ کیخلاف سخت کارروائی کی جائےگی۔

خیال رہے کراچی میٹرک بورڈ کے تحت سالانہ امتحانات میں انتظامیہ نقل مافیا کو لگام دینے میں ناکام ہے۔

آج نویں جماعت کا کمپیوٹراسٹڈیز کا پرچہ سوشل میڈیا پر وائرل ہوگیا تھا، امتحان شروع ہونے کے کچھ ہی دیر بعد واٹس ایپ گروپس میں کمپیوٹراسٹڈیز کا پرچہ آوٹ ہوا۔

اس حوالے سے چیئرمین  بورڈ کا کہنا تھا کہ سوشل میڈیا پرپرچہ آنا آؤٹ ہونےکےزمرےمیں نہیں آتا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں