اسلام آباد : چیئرمین پی اے سی نورعالم خان کا کہنا ہے کہ براڈ شیٹ میں ملوث اور کرپشن کرنے والوں کے نام ای سی ایل میں ڈالنے کی ہدایت کردی ہے۔
تفصیلات کے مطابق چیئرمین پی اے سی نورعالم خان نے میڈیا سے گفتگو کرتے ہوئے کہا کہ براڈشیٹ میں غیر قانونی پےمنٹ ہوئی، اس کیس میں بڑے بڑے لوگ ملوث ہیں۔
نور عالم خان کا کہنا تھا کہ ایف آئی اے نے براڈ شیٹ کیس میں بہت اچھا کام کیا،ایسٹ ڈکلیریشن کیلئے نیب کو اختیار ہےوہ میرے بھی اثاثے دیکھے۔
- Advertisement -
چیئرمین پی اے سی نے بتایا کہ براڈ شیٹ میں ملوث اور کرپشن کرنے والوں کےنام ای سی ایل میں ڈالنے کی ہدایت کر دی۔
ان کا مزید کہنا تھا کہ سیکرٹری ڈیفنس سمیت آرمی چیف کو بھی براڈ شیٍٹ معاملے پر لکھ دیا ہے۔