اسلام آباد: پاکستان پیپلزپارٹی کے ذرائع نے کہا ہے کہ وزیراعظم شہباز شریف سے بلاول بھٹو زردار کی ملاقات کل سہ پہر4 بجے ہوگی۔
تفصیلات کے مطابق ذرائع نے بتایا کہ شہبازشریف سے بلاول بھٹو زرداری کی ملاقات وزیراعظم ہاؤس میں ہوگی، حکومت بیک ڈور چینل کے ذریعے پیپلزپارٹی کے ساتھ رابطے میں ہے، بلاول نے بیک ڈور رابطوں پرپارٹی سے مشاورت کی ہے۔
چیئرمین پی پی نے پارٹی مشاورت کے بعد وزیراعظم سے ملاقات کا فیصلہ کیا، بلاول بھٹو کی وفد کیساتھ وزیراعظم سے ملاقات کا امکان ہے۔
ذرائع کا کہنا تھا کہ وزیراعظم شہبازشریف نےعید کی مبارکباد کیلئے بلاول کو فون کیا تھا، شہباز شریف نے چیئرمین پی پی کو فون پر وزیراعظم ہاؤس مدعو کیا، بلاول بھٹو وزیراعظم کو حکومت سے متعلق پارٹی تحفظات سے آگاہ کرینگے۔
بلاول زرداری وزیراعظم کو وفاق اور پنجاب سے متعلق تحفظات کے بارے میں بھی بتائیں گے، وہپ وفاقی بجٹ پر پارٹی تحفظات وزیراعظم کے سامنے رکھیں گے۔
