چیمپئنز ٹرافی کے آغاز میں 48 گھنٹے باقی ہیں سابق کرکٹرز اور تجزیہ کاروں نے پاکستان ٹیم سے متعلق اپنی رائے دی ہے۔
آئی سی سی چیمپئنز ٹرافی کا آغاز 19 فروری سے ہو رہا ہے اور افتتاحی میچ میزبان پاکستان اور نیوزی لینڈ کے درمیان کراچی کے نیشنل اسٹیڈیم میں ہے۔ اس کے بعد گرین شرٹس دبئی میں 23 فروری کو روایتی حریف بھارت کے مقابل صف آرا ہوگی۔
اس شوپیس ایونٹ کے لیے اعلان کردہ پاکستانی اسکواڈ اور حالیہ ٹرائی نیشن سیریز میں پاکستان ٹیم کی کارکردگی پر بھی سوالات اٹھائے جا رہے ہیں۔ چیمپئنز ٹرافی میں قومی ٹیم کے کیا امکانات ہیں۔ اس حوالے سے سابق کرکٹر اور تجزیہ کاروں نے اپنی رائے پیش کی ہے۔
اے آر وائی نیوز کے پروگرام سوال یہ ہے میں شریک مہمان سابق کرکٹر یاسر حمید نے کہا کہ چیمپئنز ٹرافی میں سب سے خطرناک ٹیم نیوزی لینڈ لگ رہی ہے۔ اس ٹیم کی بیٹنگ، بولنگ اور فیلڈنگ سب بہترین ہے۔ اچھے پاور ہٹرز دستیاب ہیں۔ اگر پاکستان نیوزی لینڈ کو شکست دے دیتی ہے تو پھر انڈیا کو بھی با آسانی پچھاڑ دے گی۔
سابق کرکٹر نے کہا کہ پاکستان کو شروع سے ہی کیلولیٹڈ کرکٹ کھیلنی ہوگی اور جیت کے لیے مثبت سوچ اپنانا ہوگی۔
پروگرام میں شریک اسپورٹس تجزیہ کار نجیب الحسن نے کہا کہ ایونٹ میں صرف دو ٹیمیں ایسی ہیں جو تمام شعبوں میں مضبوط دکھائی دے رہی ہیں۔ ان میں ایک بھارت اور دوسری نیوزی لینڈ ہے۔ ٹورنامنٹ میں پاکستان کا چانس کم لگ رہا ہے۔
شاہد ہاشمی نے کہا کہ انڈیا ٹورنامنٹ فیورٹ ہے لیکن اس کو جسپرت بمراہ کے نہ ہونے سے نقصان ہوگا۔ ہماری بیٹنگ لائن کا بڑا مسئلہ ڈاٹ بالز ہیں جن کو دور کرنا ہوگا۔
شائقین کا لیجنڈ سپر اسٹار کرکٹرز کے ساتھ مفت سفر کا سنہری موقع
