چیمپئنز ٹرافی کا آغاز 19 فروری سے ہو رہا ہے اسی روز میگا ایونٹ کی افتتاحی تقریب ہوگی جو دیکھنے والوں کے لیے ایک سرپرائز ہوگی۔
پاکستان کرکٹ بورڈ کے چیئرمین محسن نقوی نے چیمپئنز ٹرافی کے لیے اسٹیڈیمز کی تزئین و آرائش کے بعد افتتاح کے موقع پر چیمپئنز ٹرافی کی افتتاحی تقریب کے لیے سرپرائز دینے کا اعلان کیا تھا۔ یہ سرپرائز کیا ہے، سامنے آ گیا ہے۔
اے آر وائی نیوز کے مطابق آئی سی سی چیمپئنز ٹرافی 2025 کے پاکستان اور نیوزی لینڈ کے افتتاحی میچ سے قبل 19 فروری کو نیشنل اسٹیڈیم کراچی میں رنگا رنگ افتتاحی تقریب ہوگی جس کو دیکھنے والے مدتوں یاد رکھیں گے۔
چیمپئنز ٹرافی کی افتتاحی تقریب میں پاک فضائیہ کے طیارے شو کا حصہ بنیں گے۔ جے ایف 17 تھنڈر، ایف 16 طیارے فضائی کرتب دکھا کر شائقین کا لہو گرمائیں گے۔
پاکستان کے شیر دل جانباز افتتاحی تقریب کو چار چاند لگانے کیلیے ہوائی پاسٹ کرتے ہوئے آسمان میں قوس و قزح کے رنگ بکھیریں گے۔ بکھیریں گے۔
فائٹر جیٹس کے ساتھ شیردل مختلف کرتب کا مظاہرہ کریں گے۔ افتتاحی تقریب کے لیے طیاروں کی نیشنل اسٹیڈیم کے اوپر ریہرسل جاری ہے۔
واضح رہے کہ اس سے قبل 16 فروری کو لاہور کے حضوری باغ لاہور میں بھی چیمپئنز ٹرافی کی افتتاحی تقریب ہوگی جس میں عاطف اسلم فن کا مظاہرہ کریں گے۔
چیمپئنز ٹرافی جیتنے والی ٹیم کو کتنی انعامی رقم ملے گی؟ آئی سی سی نے اعلان کر دیا
