نیوزی لینڈ کرکٹ ٹیم کے کھلاڑی پاکستان کی میزبانی سے خوش ہیں انہوں نے فوٹو شوٹ میں گلابی اردو میں شکریہ ادا کیا۔
آئی سی سی چیمپئنز ٹرافی کا اغاز کل سے ہو رہا ہے۔ افتتاحی میچ میں دفاعی چیمپئن اور نیوزی لینڈ نیشنل اسٹیڈیم کراچی میں مدمقابل ہوں گے۔
میگا ایونٹ کے آغاز سے قبل کیوی کرکٹرز کا فوٹو شوٹ ہوا۔ اس دوران نیوزی لینڈ کے کھلاڑی پاکستان کی میزبانی سے بہت خوش اور دلچسپ گفتگو کرتے رہے۔
گلین فلپس نے جہاں ٹوٹی پھوٹی اردو میں ’’شکریہ پاکستان‘‘ کے الفاظ ادا کیے وہیں سابق کپتان کین ولیمسن نے ’’خوش آمدید کراچی‘‘ کہا۔
کیوی بولر ڈیرل مچل بولے کہ یہ چیمپئنز ٹرافی کا وقت ہے اور امید ہے کہ ٹیم اپنے عوام کے چہروں پر مسکراہٹیں بکھیرے گی۔
واضح رہے کہ نیوزی لینڈ ٹیم بھرپور فارم میں ہے۔ اس کا اظہار کیویز نے چیمپئنز ٹرافی سے قبل پاکستان میں سہ فریقی سیریز جیت کر کیا ہے۔
بلیک کیپس کی اس شاندار کارکردگی پر تجزیہ کار نیوزی لینڈ کو میگا ایونٹ میں خطرناک ٹیم قرار دے رہے ہیں۔
چیمپئنز ٹرافی: پاک بھارت ٹاکرے کے ٹکٹ بلیک میں فروخت، قیمت ہوش اڑا دے گی!
