The news is by your side.

دوسرا ٹیسٹ: سری لنکا نے پہلے دن کے اختتام پر 315 رنز بنالیے

گال: سری لنکا نے پاکستان کے خلاف دوسرے ٹیسٹ میچ کے پہلے روز کے اختتام پر 6 وکٹوں کے نقصان ہر 315 رنز بنالیے۔

گال میں کھیلے جارہے سیریز کے دوسرے اور آخری ٹیسٹ میں سری لنکا نے پاکستان کے خلاف ٹاس جیت کر پہلے بیٹنگ کا فیصلہ کیا، سری لنکا کی جانب سے اوشادا فرنینڈو اور کرونارتنے نے اننگز کا آغاز کیا، دونوں نے پہلی وکٹ کیلئے 92 رنز کی شراکت قائم کرکے ٹیم کو اچھا آغاز فراہم کیا۔ اس موقع پر فرنینڈو 50 رنز بنا کر محمد نواز کی گیند پر محمد رضوان کے ہاتھوں کیچ آؤٹ ہوگئے۔

میزبان ٹیم کو کوسل مینڈس کی صورت میں دوسرا نقصان جلد ہی اٹھانا پڑا، وہ صرف تین رنز بنا کر رن آؤٹ ہوگئے۔ سری لنکا کی تیسری وکٹ 120 رنز کے مجموعی اسکور پر اس وقت گری جب کپتان کرونارتنے 40 رنز بناکر یاسر شاہ کا شکار بن گئے۔

چوتھی وکٹ کیلئے انجیلو میتھیوز اور دنیش چندیمل کے درمیان 75 رنز کی شراکت قائم ہوئی، انجیلو میتھیوز 42 رنز بنا کر آؤٹ ہوئے۔

ان فارم بیٹر دنیش چندیمل ایک اینڈ سے رنزبناتے رہے اور نصف سنچری مکمل کی،وہ 80 رنز کی اننگز کھیل کر محمد نواز کا شکار بنے۔ 290 رنز کے مجموعی اسکور پر ڈی سلوا 33 رنز بنا کر نسیم شاہ کی گیند پر کلین بولڈ ہوگئے۔

پہلے دن کے اختتام تک میزبان ٹیم نے 6 وکٹوں کے نقصان پر 315 رنزبنالیے ہیں، نیروشن ڈکویلا 42 اور ڈونیتھ ویلا لیگے 6 رنزکے ساتھ کریزپرموجود ہیں۔

پاکستان کی جانب سے محمد نواز نے 2، یاسر شاہ، نعمان علی اور نسیم شاہ نے ایک ایک وکٹ حاصل کی۔

Comments

یہ بھی پڑھیں