اسلام آباد : قومی پولیو مہم 20 نومبر کے بجائے 13 نومبر سے شروع کرنے کا فیصلہ کرلیا گیا ، مہم 2 کے بجائے 3 مراحل میں مکمل ہو گا۔
تفصیلات کے مطابق رواں سال کی آخری قومی انسداد پولیو مہم کے شیڈول میں ردوبدل کردیا گیا اور قومی پولیو مہم 20 نومبر کے بجائے 13 نومبر سے شروع کرنےکافیصلہ کیا ہے۔
وزارت قومی صحت کے ذرائع کا کہنا ہے قومی انسداد پولیو مہم 2 کے بجائے 3 مراحل میں مکمل ہو گی، قومی انسداد پولیو مہم کا پہلا فیزتیرہ تا سترہ نومبر شمالی وزیرستان میں چلے گا، دوسرا فیز 20 تا 24 نومبر جنوبی خیبر پختونخوا کے چھ اضلاع میں جبکہ تیسرا فیز 27 نومبر تا 3 دسمبر ملک بھر میں منعقد ہو گا۔
ذرائع نے کہا ہے کہ قومی انسداد پولیو مہم کا پہلا اور دوسرا فیز پانچ روز میں مکمل ہو گا جبکہ تیسرا مرحلہ سات روز میں مکمل ہو گا۔پہلے، دوسرے فیز میں تین روزہ پولیو مہم دو کیچ اپ ڈیز ہوں گے جبکہ تیسرے فیز میں پانچ روزہ پولیو مہم، دو کیچ اپ ڈیز ہونگے۔
کیچ اپ ڈیز میں رہ جانے والے بچوں کی پولیو ویکسینیشن کی جائے گی، قومی انسداد پولیو مہم میں 4 کروڑ 43 لاکھ 55341 بچوں کی پولیو ویکسینیشن ہو گی، پنجاب کے 36، کے پی 36، بلوچستان 36 اضلاع میں پولیو مہم منعقد ہو گی۔
اس کے علاوہ سندھ کے 30 اضلاع، اسلام آباد میں قومی انسداد پولیو مہم چلے گی جبکہ آزادکشمیر کے 10 ،گلگت بلتستان 10 اضلاع میں قومی پولیو مہم ہو گی۔
ذرائع کا کہنا ہے کہ پنجاب میں 2 کروڑ 2565065 بچوں ، سندھ میں 1 کروڑ 29 لاکھ 5665 بچوں،،بلوچستان میں 25 لاکھ 97735 بچوں کی پولیو ویکسینیشن ہو گی۔
ذرائع کے مطابق وفاقی دارالحکومت میں 421455 بچوں کو پولیو قطرے پلائے جائیں گے جبکہ آزادکشمیر میں سات لاکھ 20172 بچوں ، گلگت بلتستان میں 278793 بچوں کو پولیو قطرے پلائے جائیں گے۔
