The news is by your side.

Advertisement

چوہدری برادران نے شہبازشریف کی دعوت ٹھکرادی

لاہور : چوہدری برادران نے اپوزیشن لیڈر شہبازشریف کی دعوت کو ٹھکرادی ، شہبازشریف نےچوہدری برادران کو گھر آنے کی دعوت دی تھی۔

تفصیلات کے مطابق چوہدری برادران نے اپوزیشن شہبازشریف کی دعوت کو سنجیدہ نہ لیا، مسلم لیگ نون کے ذرائع کا کہنا ہے کہ چند روز قبل شہباز شریف نے اسپیکر پنجاب اسمبلی پرویزالہی کو فون کرکے پچیس فروری کو گھر آنے کی دعوت دی۔

شہبازشریف نے پرویزالٰہی سے یہ بھی کہا کہ جب آئیں تو اپنے ہمراہ وفاقی وزیر چودھری مونس الہی کو ضرور لے کر آئیں۔

ذرائع نے بتایا کہ چوہدری برادران نے جواب میں مصروفیات کا بہانہ بنا کر دعوت کو ٹال دیا جبکہ مونس الہی پچیس فروری ہی کی صبح گجرات چلے گئے۔

یاد رہے اس سے پہلے چوہدری برادران نے سابق صدر اصف علی زرداری کی دعوت کو قبول کیا تھا لیکن شہبازشریف کی دعوت سے کترا رہے ہیں۔

ذرائع کا دعوی ہے کہ شہبازشریف دوبارہ چوہدریوں کو گھر بلانے یا کسی بھی طرح ملاقات کی کوشش کریں گے۔

Comments

یہ بھی پڑھیں