لاہور : سابق وزیر اعلیٰ پنجاب پرویز الٰہی کا کہنا ہے کہ رہائش گاہ پر چھاپےسےمتعلق کچھ بھی نہیں بتایاگیا، چھاپے کیخلاف عدالت جائیں گے۔
تفصیلات کے مطابق سابق وزیر اعلیٰ پنجاب پرویزالٰہی نے اے آر وائی نیوز سے خصوصی گفتگو میں رہائش گاہ پر پولیس غیرقانونی چھاپے کی مذمت کی۔
پرویز الٰہی نے کہا کہ کہ نگراں حکومت کا کام الیکشن کرانا ہے مگریہ اپنی دشمنیاں نکال رہےہیں، آپ دیکھیں گے کہ پورا گجرات کیسےباہرنکلتاہے، موجودہ حکومت کے ہتھکنڈوں کیخلاف تاجر،طلبابھی نکل رہےہیں۔
سابق وزیر اعلیٰ پنجاب کا کہنا تھا کہ 2 ماہ کی نگراں حکومت اوچھےہتھکنڈوں سےبازرہے، نگراں حکومت کی ان غیرقانونی حرکات پرعدالت جائیں گے۔
حکومت پر تنقید کرتے ہوئے انھوں نے کہا کہ یہ لوگ بجائے دہشت گردوں کے پیچھے جانے کے ہمیں تنگ کر رہے ہیں، موجودہ حکومت کو چاہیے کہ وہ دہشت گردوں کو پکڑے۔
پرویز الٰہی کا کہنا تھا کہ احتساب ہوگا اور جلد ہوگا، عدلیہ پر یقین ہے،انہیں عدالتوں سےسزائیں دلوائیں گے، جوبھی ہورہاہےاس کاتمام ریکارڈ اکٹھا کررہے ہیں۔
مسلم لیگ ق کے رہنما نے مزید کہا کہ الیکشن میں انکواپنی موت نظرآرہی ہے اس لئے ایسی حرکات کررہے ہیں۔
پولیس کے چھاپے کے حوالے سے ان کا کہنا تھا کہ چھاپہ اس لئے مار رہے ہیں کہ ہم الیکشن نہ لڑیں، ملازمین کی تلاشی لی گئی،انہیں ہراساں کیاگیا اور چھاپے سے متعلق کچھ بھی نہیں بتایاگیا۔
