سوشل میڈیا پر 5 لاکھ روپے سے زائد مالیت کا پیزا سب کی توجہ کا مرکز بن گیا جس کی خاص بات اس میں شامل کیے گئے اجزاء ہیں۔
انسٹاگرام پر نامور شیف بروک بیوسکی نے بتایا کہ انہیں ایک گاہک کی جانب سے 2 ہزار ڈالرز کا پیزا بنانے کا انوکھا آرڈر ملا جس سے وہ انتہائی خوش ہوئیں۔
آرڈر ملنے کے بعد بروک بیوسکی نے اس کیلیے اجزاء خریدنے کیلیے مارکیٹ کا رُخ کیا۔ انہوں نے بہت سے غیر روایتی اجزاء کے علاوہ بادام، گلوٹین-فری آٹا اور 30 ڈالر کا پانی خریدا جس کیلیے شیف نے 944 ڈالرز ادا کیے۔
View this post on Instagram
بروک بیوسکی نے انسٹاگرام پر پوسٹ کی گئی ویڈیو کے کیپشن میں لکھا کہ ’چلیں 2 ہزار ڈالرز کا پیزا تیار کرتے ہیں۔‘
ویڈیو میں انہیں مارکیٹ سے اجزاء خریدتے اور پیزا تیار کرتے ہوئے دیکھا جا سکتا ہے۔ انوکھا پیزا تیار کرنے کے بعد انہوں نے اپنے اسپیشل گاہک کے سامنے اسے پیش کیا۔
View this post on Instagram
سوشل میڈیا پر مہنگے ترین پیزا کو کافی پسند کیا جا رہا ہے۔ ایک صارف نے لکھا کہ ’پیزا کی قیمت میرے گھر کے ماہانہ کرائے کی رقم سے بھی زیادہ ہے۔‘
